本文多圖。
想行山又不想行太長距離，大棠山路絕對係風景優美之餘難度又低。大棠山路有燒烤場，秋冬更可欣賞唔同品種變紅的葉子，是熱門行山好去處，故近年每逢歲晚都有大量遊人佔領，希望唔會始終有一日，山路兩旁的紅葉被遊人破壞！
前一晚仍下雨，第二朝早上已見天藍，難得的係連宋文娟都係電視度話天氣適合行山！！就小弟而言每逢出入偏遠地區，必然是使用最低票價的方法前往！可是這次例外... 因吃早餐遲出門口，唯有俾多2蚊九巴賺...
老實講政府應該監管巴士公司調整巴士收費，意思係從A區到B區不論乘搭什麼路線，最終繳付的都是相同票價(最低票價)，絕不應該出現快線收貴D，慢線收無咁貴的不公平現象... 但見近年九巴開辦的新路線票昂貴程度驚人！政府又保鐵，所以劃一收費呢個想法實在難以實現！
時間關系唔容許我轉68A，唯有在城隧轉269D 橙蛋，而家D新車為左提高載客量，上層座位距離的確好窄，遇到坐窗口位個肥婆要落車，隔離果個我諗要起身讓佢先再坐得番低... 分分鐘3+2 座可能仲好D！除左座位空間不足之外，個司機碌車都係好可恥！城隧一上車落斜碌40... 上公路幾乎被隔離十架巴士爬頭，更留意到前面一位乘客每見隔離有一架車爬頭就會望下隻錶然後講幾句粗口，想信是同我一樣當時非常不滿呢位九巴司機的駕駛表現！(遇上碌王，心中不禁想你開咁慢不如俾我渣啦)
元朗廠呢架熱狗都泊左有近10年，最終因搬廠令呢2部吉蘭(吉蘭外貌)都無埋，代表街上可見的所有(吉蘭外貌)熱狗已經消失！到目前為止仍然未有一台合格的吉蘭模型面世... 深感可惜！
言歸正傳，從朗屏站B 出口落去天橋底可搭乘K66 巴士到大棠。搭左西鐵出閘轉車的話可免費轉乘，而搭巴士的我轉K66 就乜優惠都無，要俾全價空調$4.3 / 非空調$3.0(非空調巴士全日收車)。
大棠山路至大棠山道停車場將於2014年11月1日- 2015年1月31 逢星期六、日及公眾假期實施封路措施。在公廁下車後沿大棠山路直上，再上一段石屎梯級就到了大棠樹木研習徑，有涼亭及廁所，可小休一會。
這裡高海拔約95米，樹木之間空隙可當做觀景台，可望向元朗大棠
天水圍城
這個方向相信係建築中YOHO Town
附近的烏桕? 似乎未轉紅，據觀察約1月才轉紅。
過大棠樹木研習徑沿路上山，經過燒烤場及健身角
太陽蛋
這段路人流唔算太多，好適合停留欣賞
這個又綠又紅的不知是什麼?
不只紅葉，連花也成遊人的拍攝對象
沿路前往，不少狗隻經過，感覺自在
來到一處有楓香的位置，宜近距離欣賞，但人流漸覺增多，影紅葉開始要避開人群...
不過相機的光圈細的關系，較難做到淺景深，照片看起來紅葉同背景有點雜亂的感覺... 不過已經盡量zoom 盡影！有時陽光不足之下zoom 太盡會增加手震風險，加上葉子隨風地舞，快門慢少少都影唔清... 這些都是器材有限的考驗... (安慰的說有時睇D人用勁機影出黎的相會覺得影好靚，但影得靚係應該的！勁機都影唔靚不死也罷！)
見倒有人這身打扮，都忍唔住影番2張~
沿路前往，開始散亂地有少少楓香在兩邊
陽光射落兩隻色的葉上，顯得紅葉更出眾，就算亂影都靚
係景深唔夠淺之下，選擇背景較暗的角度，也可突顯主體嗎?
沿途遊人不停拍照
這裡是全程最斜的非梯級位置。高度介乎海拔150米至165米左右。
這兩位遊人似乎紅葉影不夠，連人都照影，但唔知係咪真係影！
面對散亂的紅葉群，小弟無觸覺拍攝，只能廣角影算...
燒烤場起走了大半小時來到這個位置大約海拔160米，左是大棠山路，右是自然教育徑，沿路滿是遊客，感覺熱鬧
這路兩邊的紅葉開始茂盛，唔少遊人更加走上斜坡影相...
這裡發現一處最紅的楓香！
芒草?
遊人魚貫而來，可想而知紅葉的吸引力了...
望向涼亭的紅葉群
遊人從不角度影紅葉
落葉... 見D大師影到好有意境... 小弟就唔識了，唯有就咁對住地下影...
沿路前往，有幾片烏桕，陽光之下非常紅烈
烏桕較細塊，焦距有限係比較難影... 也容易隨風地舞，感覺更難影
紅葉介紹，都無乜人睇，個個掛住望樹上面果D！
這裡相信是楓香最密集的，又有涼亭休息，多數遊人聚集這裡，更有遊人攜帶模型前來拍照，交織紅葉、秋意於一身！
先前經過的楓香群
有人係度影人，小弟都忍唔住影番張~
我們於這裡坐下，吃小食補充~
忽然走來可愛的小狗~
有時，太多紅葉都會唔知點影，唯有試但影... 尤其用DC 影主體係無咁突出...
與楓香合照時間
抬頭一攝
涼亭前方還有少量楓香，不過大家歸心似箭我也不要求前行了。附近有一處健身角，小弟無做引體上升都有年半了，果然大退步，反手垂直得九下... 可能未食飯！做到第4下果陣已經吃力... 呢個表演絕對唔接受！黎緊要練番，重上15下以上！！！
回程時，才不少遊人上山賞葉，黃昏陽光使照片秋意更濃，而據我所觀察，不少龍友以影日落為名實際係影女...！
回程由於少拍照，所需時間很短，好快又黎番大棠樹木研習徑，這時望向強角，比中午所見的更清晰
遠方的是深圳大陸，距離大約十幾公里
遠處是深圳東海國際中心雙塔，高度為樓高308米，82層及275米，75層。
拔地而起的建築物... 前方是元朗市，遠處建築中的是距離15公里外的深圳平安金融中心！
據觀察，呢座大廈的每層面積都幾細，留意內管桶幾乎佔用了"高層"樓層一半的空間！而據資料顯示平安金融中心屋頂高度597米，118層(連天線樓高660米)，以總高計算它將成為全強角最高的建築物及全世界第二高(第一高是迪拜塔)，目前它的石屎部分建築高度已突破550米，預計石屎部分在年底完工！
雖然報導指它的建築結構無比堅固，但也有消息指強角第一高樓平安金融中心是危樓，因為涉嫌使用不合格海砂混凝土，其中氯離子含量超標，將嚴重腐蝕建築中的鋼筋，產生倒塌危機！
深圳京基100，樓高441米。
沿路下山...
在總站搭番K66 出元朗，及到潮城魚蛋粉食番碗河粉！
紅葉巴模集會照片另見：
沒有留言:
張貼留言