六月頭少入~
如果係ebay、amazon 搵已故世界貿易中心既風景拼圖，大大話話都可以搵倒近廿款，但唔少都係好鬼貴，運費仲貴過件貨，所以係有限零錢底下，係無可能買曬全部款式...
網絡店特價198 猴年生肖~~
1000塊A3迷你版，如果要砌真係一頭霧水！
A3版迷你版都要幾十蚊一盒，相比起正常size 黎講算平，所以買多少量，一件愛黎砌，一件則連盒收藏！
六月尾少入~
本來一盒puzzle 成本應該好低，索價百幾蚊一盒個人認為係極限，但如果考慮埋市面難尋 / 珍貴程度，手頭上現有既世貿雙塔puzzle 價格都算係合理既，其餘未敢買既多數已經係好貴或者係好_貴！
911十週年紀念版
自由塔 vs 已故雙塔
某朱古力NEW YORK city 鐵盒，盒面大廈仲有凸位，幾靚所以忍唔住要將個盒收藏落黎！如果係舊世貿就更正！
NASA 美國航空747+太空穿梭機... 唉，DW既NASA 747同穿梭機又係上到天價，但都打算追齊5部NASA太空穿梭機！
漢莎航空A340、美國航空MD-11。漢莎A340完全係因為有聯合航空隻色先入... 一直想搵聯合航空A340，但似乎無出過...
大韓航空MD-11 / special version
美國航空、聯合航空少入~
今次因為一口氣追番太空穿梭機同幾架美國航空、聯合航空飛機，所以算係好豪！鏡頭仲要俾錢整、黎緊仲要入buzes LF、LM... 所以Wmb 財政狀況仍然緊張！
不經不覺Wmb 航空業務已經一年，回顧一下在美國航空、聯合航空及全日空一年來的收獲！
全日空：
737-800、737-800、767-300ER、A320
767-300F、767-300ER、767-300ER、737-700
747-400D、747-400D
美國航空：
747-100F、767-200、767-200(SP)、767-300、767-300(SP)
737-800、757-200、707、777-200、MD-11
DC-10-30、747-100、777-200、747-100F、727-200(SP)
聯合航空：
A319、767-200、DC-10-30F、DC-10-30F、DC-10
737-800、767-300、767-300、DC-10(SP)、A340-300(漢莎航空)
737-300、777-200、747-400、777-200、747-400
A320、737-300、737-300、BAE146
說來真的話長，全日空本來係想買747-400原色同藍鯨彩繪機，點知又買埋皮卡丘、跟住又入埋737... 美國航空同聯合航空本來只係想買767-200，因為撞世貿大廈果兩部係767-200，本來唔貪心只係想買齊911事件涉及的四架飛機(767-200、757-200)。點知越買越多...
十年 ‧ 長炮 ‧ 回憶 (尋找退役都城嘉慕威曼Metro Cammell Weymann的縱影2007)
以下照片全部在車廠以外範圍攝，不經不覺，都城嘉慕十一米已經退左十年... 2007年4月，香港領土上最後十多部都城嘉慕十一米退下來，所有都城嘉慕巴士消失於市面上，因此在車廠外一睹他們的最後風采！
四月底有一次在啟德廠外探訪退役都城(爬山皇)... 因為啟德廠死車位置距離行人路有一段距離，所以要用到當時數碼相機上的等效300mm 先可以免強影倒，十年長炮回憶！
當時上圖既開龍、大白豪、短龍仍未退役，但十年後，呢三款車都相繼消失於鬧市中！
四部退役都城在遠處一角
都城嘉慕威曼都城巴士Metro Cammell Weymann(Metrobus)是一款後置引擎雙層巴士, 由1977年生產至1989年, 在八十年代廠方因應香港對高載客量的巴士有大量需求，於是為香港設計加長版本, 成為本港第一款三軸巴士! 都城巴士系列中的11.45米兩軸版及所有三軸版的都城巴士均被廠方稱為超級都城巴士(Super Metrobus)，均為出口版本，買家都是香港的巴士公司(中巴、九巴)，全部裝配原廠車身。不能不提的是早在1987年, 其中一部三軸11米巴士曾經加裝冷氣裝置作試驗, 雖然試驗未能成功但對往後的巴士發展擔演了重要角色。
1986至1989年九巴購入254輛11米(短版三軸超級都城巴士)編號為S3M1-254，為此款巴士的唯一客戶。早期的11米都城配備Gardner 6LXCT引擎 / Voith DIWA 851.2波箱及部份配備Cummins LT10-B245引擎 / Voith DIWA 863波箱；最後一批(EG-EL)S3M214-253則配備Cummins LTA10-B282引擎 / Voith DIWA 864G波箱, 由於有282匹馬力對於推動一輛十一米巴士來說勝任有餘, 即使在最大負重情況下也能在斜路上從容起步, 常被安排行走東九龍一些地勢較高的路線, 因而有爬山皇之稱!
左起EL7793(S3M250) / EH2940(S3M223) / EL6749(S3M244) / EL7383(S3M248)
左邊的EL7793比行車証上的到期日提早退役, 因為當年唔知邊個咁得閒走去投訴架車有黑煙... 搞到封車, 最後提早退役! 就係有一類人食飽飯無屎柯投訴這樣又投訴那樣害人害物! 這些人不死也沒有用!!
講到早退, EE-EK牌好多熱狗係03定04年無續牌提早退役, 所以熱狗係市面上日漸減少, 呢批車係07年全退之前唔係専登坐既話可以話無可能靠緣份而搭倒, 始終自己樓下已經一早無都城... 另外話說以前用圖巴玩MM2 鐘意用無路線既車黎自由行, 一部M仔有幾個路線版本, 自己就専登改一個退役版本周圍行, 以前又好少影退役巴士, 無真實圖片係手唯有人手係PhotoImpact 畫個紅色交叉出黎, 另外再油花個九巴logo 同車牌, 然後就可以入game 係SF、London、NY city(before 911 version)自駕遊! 沿途可以發掘新走線扮停站模疑駕駛巴士路線, 間中享受飛站快感!^^ 而家望番十年前呢堆退役都城既相, 架架車頭畫交叉, 又諗番起當時非法改車玩MM2 的情景, 由玩MM2到買1:76到再買大比例到再玩埋航空, 真係好似走過一條好長既路...
啟徳廠圍欄對我黎講太高, 相機無扭Mon, 要舉高部機靠估咁影先可以避過圍欄, 所以望住個咁既環境完全感到無助! 幸好找到一個雪糕筒, 幾經辛苦才能踏穩靠在圍欄上攝!!
有霧燈係型D !! 本人亦有意為模型加一對霧燈!!
EL7793司機位個雞翼窗唔見左!
同處海角天邊, 與遠處既GA1948 短暫相聚~
EL6749 曾是74A掛牌車之一, 可惜乘搭次數屈指可數加上黎伯碌車, 完全無發揮過282匹既優越性能, 行車時間甚至比220匹既吉都EH2940 更長! 曾大屋上新田圍斜路用三波微微跌速, 如果黎伯肯踩盡既話應該keep倒5Xkm/h~
4月尾那時，就只有上面4部都城係度，到5月中再前往啟德廠，當時九龍灣廠所有都城已經退役，十二部都城的死車陣，教人心酸，一批咁好既車點解唔可以繼續用咁浪費！？如果我開巴士公司，一定為呢批車續牌！
K 廠所有都城戰士都退下火線... 真係最後一次可以一次過見晒12位戰士！
從入口處遠望都城陣！
EL7065(K廠最後一部吉拿都城)
EL8029 / EL7853 / EL7295 / EL7065
EL6857
EL7383 / EL6774 / EL7659 / EL6857
EL8061 / EL7793 / EH2940 / EL6749
EL8029
剛從93A退下來的靈實康都EL8061，EL8061係K廠唯一一架全車身廣告都城，專程坐過幾次EL8061 但行車表現比較差，上寶林路唔高轉轉2波係無乜力... 雖然282匹但可能同ES龍差不多... 正如42全冷前掛42果架開龍(好似係GA6394)上斜表現同當時29M 批3+2 ADS 差不多..
都城嘉慕巴士輪拱位置車殼有明顯凸起部份
都城下層的尾窗廣闊，是當時現存既熱狗之中最獨特的！
與遠處的GA1948合照... 隔左十年，巨龍、都城呢兩款車係絕對無買錯！
你話如果啟德空地變成香港航空及交通博物館，定期係呢塊空地上舉辦展覽你話幾好，總好過係變成石屎森林！
EL7065
EL6857
EL8029
EL8029 最特別的地方係車頭窗框鴛鴦色，黑色窗框使外觀更酷！因此EL8029 成為小弟心目中既老虎都城！最記得有一次EL8029前面係的士，只可以講係康都前面，的士都唔算得係乜，司機夠膽劈住彎都bi 前面架的士，印象難忘！
聽聞係行車証到期前一段日子，EL7853 上層爛左窗，但傳聞因缺乏零件而提早退役...
EL6857
一批咁正既車停係我面前，一網之隔，真想留住爬山皇，留住集體回憶！
EL8061 的廣告晚年甩色嚴重，連上面的字都已經睇唔倒！此情此景，像想告訴大家呢批車要退役，很快會被世人違忘！不過對我黎講，好既野會永遠留在知音心裡，永遠沒有退役呢個詞語！就好似坦克蘭一樣，車退左咁多年，似樣既模型依然未有！但卻從沒減退小弟對佢地既愛戴！
睇番2005年的EL8061，車尾一句：松柏如我 你又怎能追得上？
呢句真係好應景！正正又諷刺到社會上好多野新不如舊，舊既反而更實用、實而不華，就好似康都的表現，比唔少車既表現更強！
引擎蓋外面的廣告圖案既樹木都消失了，似乎想諷刺香港周圍都變成石屎森林，市中心沒有綠化地帶！呢個係政府的錯！
EL6774，搭過佢行80，表現不錯
發現EL6857 有求其補油的部份，如果模型係咁既話...
望到舊式熱狗的木紋傍板，同而家D車好唔同，就算同樣係熱狗既開密龍、老虎頭都無呢種味道係度... 真係唔捨得佢地退！
中間個位，本來應該留俾我既，我都應該退埋，唔洗面對咁大既生活壓力！
不約而同遇上另外三位都探訪都城既師兄，當時暮色漸晚，拍了一張珍貴合照便離開了！諗番轉頭，已經超過十年，圖中左邊第二位師兄因為MSN 無左已經無聯絡，但與最右邊果兩位師兄目前仍有聯絡，間中仍有群組聚會，突然發覺友誼很可貴，識倒十年唔係容易！過去幾次群組聚會，本人都以窮為理由不願出席，但最後都覺得應該要珍惜相聚時光而改變主意出席！正如羅文首願望就是明天歌詞所講，共聚時光片刻也懷念...
當時是2007年5月，遠處的環球貿易廣場還在興建中，塔頂還未冒出九龍天際線！
永遠懷念都城嘉慕威曼Metro Cammell Weymann Super Metrobus 超級都城巴士！同時期待唔同版本既Metrobus 模型快些推出！！！
2017年夏至已過, 代表一年已到了一半, 最近有個以前既同學成功上車成為業主加入樓奴行列, 並隨即收租供樓, 登上人生贏家既寶座! 點解D人可以咁有米?
有時睇其他人成功既例子，如果可以令自己從中學習，使自己更容易成功既話，不妨多聽；但假若聽得太多其他人成功但對自己無幫助既，只會令自己更難受，因為會顯出自己原來非常失敗，歌詞都有唱：聽別人故事 如何的春風得意也是人故事！成功故事還是要靠自己去寫，呢兩個星期自我反省，因為兩年前實行既儲錢計劃失敗，兩年內無法儲備十萬可動資金去入龍仔，對自己黎講可以話係一個打擊... 所以自己既計劃要再調整一下！講番有fd 買倒樓一事，一般打工仔人工升幅有限，普遍黎講莫講話儲首期, 當你下定決心儲首期也起碼數年後才可達到目標, 但數年後樓價或者比目前更高, 根本無可能追上! 更難想象往後長達十多年的樓奴生活... 供完樓到時可能年過四十, 所有黃金歲數已過, 這就是非凡人生嗎??
因近月巴模價格變動頻密，票價自動加減機制會再生效！
沒有留言:
張貼留言